Naat
Alvarlı Efe Hâce Muhammed Lutfî Kaddesallahu Sırrahu'l-Âlî
Ahmed ü Mahmûd u Muhammed Mustafâ derler sana
Efdal-i mevcûd Habîb-i Kibriyâ derler sana
Ey risâlet ma'deni fazıl-terîn-i enbiyâ
Arş-ı irşâd kubbesinde müntehâ derler sana
Nûr-i vahdet şem'ini sensin fürûzân eyleyen
Şâh-ı evreng-i şefâ'at Müctebâ derler sana
Nûr-ı Mevlâdan mürekkebsin mükerremsin güzel
Ey kerîm-hilkat kerem-şân Murtezâ derler sana
Şâh-ı evreng-i şefâ'atsin Habîb-i kibriyâ
Rûz-i mahşerde azîm sâhib-livâ derler sana
"Kabe kavseyni ev ednâ" sadrına sultân olan
Bezm-i vuslat mahremi hak-âşinâ derler sana
Bu Muhammed Lutfîye lutf et kerem kıl yâ
Resul Muktedâ-yı enbiyâ sâhib-livâ derler sana
