Naat-ı Şerif
Hersekli Ârif Hikmet
Hudâ'nın en büyük ihsanı sensin yâ Resûlallâh
Benim her derdimim dermânı sensin yâ Resûlallâh
Cihan medhûş u hayrettir zuhur-ı mûcizâtından
Tarîkat ehlinin burhânı sensin yâ Resûlallâh
N'ola arş olsa ferş-i südde-i bâb-ı inâyâtın
Saadet mülkünün sultânı sensin yâ Resûlallâh
Seninle anlaşıldı şîve-i ahkâm-ı ayniyyet
Berat-ı vahdetin unvânı sensin yâ Resûlallâh
Cebîn-i âdemiyyet nakş olundu nûr-ı hüsnünle
O vechin sûret-i Rahmân'ı sensin yâ Resûlallâh
Alîl-i derd-i aşk ü şevkin olsun daimâ
Hikmet Benim her derdimin dermânı sensin yâ Resûlallâh
