Na‘t
Abdullah Salâhaddîn-i Uşşâkî (Salâhî)
“Nazar kıl bana yâ Rasûla’llâh
Çü geldim sana yâ Rasûla’llâh
Kapuna yüz urdum cenâbından
Gerek merhabâ yâ Rasûla’llâh
Ümîd-i keremle varanlardan
Kim oldu cüdâ yâ Rasûla’llâh
Varanlar kapuna hatâ ile
Bulurlar atâ yâ Rasûla’llâh
Egerçi gönül sehv ü gafletle
Olur pür-hatâ yâ Rasûla’llâh
Ümîdim velî feyz-i na’tınla
Bulur dil safâ yâ Rasûla’llâh
Bu demde acep vasla olmaz mı
Salâhî sezâ yâ Rasûla’llâh”
( Mehmet Akkuş, Hz. Peygamber’e Na’tlar (Divân-ı Nu’ût-ı Salâhî), Ankara 1999,
s.18)
